.gif)
महेन्द्रनगर । कञ्चनपुरमा झन्डै २ लाख मूल्य बराबरका अवैध भन्सार छलीका सामान बरामद गरिएको छ । जिल्लाको भिमदत्त नगरपालिका-४ र ६ बनगाउँबाट अवैध रूपमा भन्सार छली गरी ल्याएका सामान बिहीबार बरामद गरेको प्रहरीले जनाएको छ ।
जिल्ला प्रहरी कार्यालय कञ्चनपुरबाट खटिएको प्रहरी टोलीले भन्सार छली गरी ल्याई लुकाई छिपाई राखिएका अन्दाजी रु १ लाख ९६ हजार ९५ मूल्य बराबरका चिनी, मिठाई, स्टिल गिलास, चिया छन्नी लगायतका सामान फेला पारी बरामद गरेको हो ।
बरामद गरेका उक्त सामानहरू कानुन बमोजिम भन्सार कार्यालय गड्डाचौकी पठाइएको प्रहरीले जनाएको छ ।
