.gif)
महेन्द्रनगर । नेपाली बजारमा आज (बुधवार) पनि सुनको मूल्य घटेको छ । मङ्गलवार को तुलनामा आज सुन प्रतितोला आठ सय रुपैयाँ घटेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १८ हजार चार सय रुपैयाँ र तेजाबी सुन प्रतितोला एक लाख १७ हजार आठ सय ५० रुपैयाँमा कारोबार भइरहेको छ। मङ्गलवार छापावाल सुन प्रतितोला एक लाख १९ हजार दुई सय रुपैयाँ र तेजाबी सुन प्रतितोला एक लाख १८ हजार छ सय ५० रुपैयाँमा कारोबार भएको थियो ।
त्यसै गरी, आज चाँदीको मूल्य पनि घटेको छ । अघिल्लो दिनको तुलनामा आज चाँदी प्रतितोला २० रुपैयाँ घटेको हो । आज चाँदी प्रतितोला एक हजार चार सय ८० रुपैयाँमा कारोबार भइरहेको छ । मङ्गलवार चाँदी प्रतितोला एक हजार पाँच सय रुपैयाँमा कारोबार भएको थियो ।
