.gif)
महेन्द्रनगर । नेपाली बजारमा आज (आइतबार) सुन चाँदीको मूल्य घटेको छ । शुक्रवार प्रतितोला दुई सय रुपैयाँ बढेको सुनको मूल्य आज प्रतितोला एक हजार तीन सय रुपैयाँ घटेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला एक लाख १७ हजार पाँच सय रुपैयाँ र तेजाबी सुन प्रतितोला एक लाख १६ हजार नौ सय ५० रुपैयाँमा कारोबार भइरहेको छ ।
शुक्रवार छापावाल सुन प्रतितोला एक लाख १८ हजार आठ सय रुपैयाँ र तेजाबी सुन प्रतितोला एक लाख १८ हजार दुई सय ५० रुपैयाँमा कारोबार भएको थियो ।
त्यसै गरी, आज चाँदीको मूल्य पनि घटेको छ । अघिल्लो दिनको तुलनामा आज चाँदी प्रतितोला ३५ रुपैयाँ घटेको हो । शुक्रवार प्रतितोला १४ सय ६० रुपैयाँमा कारोबार भएको चाँदी आज प्रतितोला १४ सय २५ रुपैयाँमा कारोबार भइरहेको छ ।
