.gif)
नयाँ दिल्ली । भारतीय मोटिभेसनल स्पिकर विवेक बिन्द्राविरुद्ध मुद्दा दर्ता गरिएको छ । उत्तर प्रदेशको नोएडा पुलिसले उनकी श्रीम्ती यानिका बिन्द्रालाई दुर्व्यवहार गरेको आरोपमा उनीमाथि मुद्दा दायर गरेको हो ।
विवेक बिन्द्राले डिसेम्बर ६ मा यानिकासँग विवाह गरेका थिए तर विवाह गरेको आठ दिन पछि, डिसेम्बर १४ मा श्रीमतीलाई कुटपिट गरेको आरोपमा उनीमाथि मुद्दा दर्ता गरिएको हो ।
बडा बिजनेस प्रालिका सीईओ र संस्थापकसमेत रहेका बिन्द्रालाई भारतीय दण्ड संहिता (आइपिसी) को विभिन्न धाराहरू अन्तर्गत मुद्दा दायर गरिएको हो । जसमा ३२३, ५०४, ४२७ र ३२५ लगायतका मुद्दा दर्ता गरिएका छन् ।
यानिकाका भाइ वैभवले उनीमाथि उजुरी दर्ता गराएका थिए । बिन्द्राले आफ्नी बहिनीलाई कोठामा थुनेर दुर्व्यवहार गरेको र उनलाई गम्भीर शारीरिक आक्रमण गरेको आरोप उनले आरोप लगाएका छन् ।
सँगसँगै उनले सामाजिक सञ्जालमा बिजनेस स्क्यामबारे पनि आक्रोश खेप्नु परेको छ । अर्का मोटिभेस्नल स्पिकर सन्दीप महेश्वरीले आफ्नो युट्युब च्यानलमा 'अनभिलिङ ए मेजर स्क्याम' शीर्षकको एउटा भिडियो अपलोड गरेपछि उनले चौतर्फी आलोचना खेप्नुपरेको छ ।
