.gif)
महेन्द्रनगर । कञ्चनपुरमा ‘ग्लोबल एजुकेशन एक्सपो’ आयोजना हुने भएको छ ।
ओली एण्ड एसोसिएट्स नेपालको आयोजनामा भदौ २६ गते सो कार्यक्रम हुन लागेको हो ।
'सबै एउटै छाना मुनि’ भन्ने नाराका साथ कार्यक्रम हुन लागेको हो । कार्यक्रम यहीँ भदौ २६, जिल्लाको भीमदत्त नगरपालिका—४ स्थित भानु पार्टि प्यालेसमा हुन लागेको आयोजकले जनाएको छ ।
कार्यक्रममा राष्ट्रिय र अन्तर्राष्ट्रिय कलेज तथा विश्ववद्यालयका प्रतिनधि आउनेछन् । नेपाल, अमेरिका, क्यानडा, अस्ट्रेलिया, बेलायत र न्यूजिल्याण्डका प्रतिनिधिहरूको सहभागिता रहनेछ । सहभागीले शैक्षिक ऋण सहायता प्राप्त गर्न विभिन्न बैङ्कका ऋण विशेषज्ञहरूलाई पनि भेट्न सक्ने र विज्ञहरूबाट उत्कृष्ट शिक्षा परामर्श सेवाहरू लिन सकिने व्यवस्थापक विनायक म्यानेजमेन्ट ग्रुपले जनाएको छ ।
साथै, कार्यक्रममा उपयुक्त अङ्ग्रेजी भाषा परीक्षा विकल्पहरूको बारेमा समेत बताइने जनाइएको छ । कार्यक्रममा सहभागीहरुका लागि प्रवेश निःशुल्क रहेको छ ।
